Poytaxtimizda uzoq kutilgan CITY RUN – SHAHARLAR BELLASHUVI poygasi boʻlib oʻtdi!
Unda 23 mamlakat va 99 ta shahardan 1000 nafar sportchi ishtirok etdi. Koʻrkam, “Yangi Oʻzbekiston” bogʻida faol hayot tarzi tarafdorlari jam boʻlishdi. Bu kun hissiyotlar, adrenalin, yaxshi raqobat ruhi va aql bovar qilmaydigan energiyaga boy boʻldi. Ahamiyatlisi, musobaqada “Oʻzkimyoimpeks” kompaniyasi xodimi Artyom Galstyan ham faol ishtirok etdi va belgilangan masofani toʻliq, muvaffaqiyatli bosib oʻtdi. Kompaniyamiz sogʻlom turmush tarzini doim qoʻllab-quvvatlaydi.